ପାହିଯିବ ରାତି ରହିଯିବ କଥା ପ୍ରେମ ହେବ ଆମ ବାସୀ
ତୁମକୁ କିପରି ଭୁଲିବି ଗୋ ପ୍ରିୟା ତୁମେ ମୋର ପ୍ରିୟା ରାଶି
ଚିଠି ଦେଲି ପ୍ରିୟା ପାଶେ ଯିବି ମୁହିଁ ତୁମକୁ ଆଣିବା ପାଇଁ
ସେଦିନ ଯେ କେହି ବାଧା ଦେବା ପାଇଁ ନଥିବେ ଗୋ ପ୍ରାଣ ସହି
ନିଦାଘ ବରଷା ଆମ ସାଥି ହେବ ପ୍ରୀତି ପଥେ ହେବ ସାଥି
ତୁମେ ପ୍ରାଣପ୍ରିୟା ମୋ ହ୍ୄଦ ଚନ୍ଦ୍ରମା ସାକ୍ଷୀ ଥିବ ଆମ ପ୍ରୀତି
ଚିଠି ପାଇ ତୁମେ ସଜ ହୋଇଥିବ ମୋ ସାଥେ ଆସିବା ପାଇଁ
ତେଣୁ ମୁଁ ଆଗୁଆ ଦେଲି ପ୍ରିୟା ଚିଠି ମୋ ମନ କଥା ଦେଲି ବୁଝାଇ
--------------------------------
ଧର୍ମ ବେଦୀ ପରେ ବସିଥିବା ଗୋରୀ ଧର୍ମଦେବ ସାକ୍ଷୀ ରଖି
ମୁଁ ତୁମ ପ୍ରେମିକ ତୁମେ ପ୍ରିୟା ମୋର ତୁମେ ଅଟ ନିରିମାଖି
ହସର ଜୁଆର ଉଚ୍ଛୁଳି ଉଠିବ ପ୍ରେମ ମନ୍ଦାକିନୀ ସାଜି
ତୁମେ ପ୍ରାଣପ୍ରିୟା ମୋ ଗୋଲାପକଢୀ ତୁମ ପ୍ରେମେ ମୁହିଁ ରାଜି
ମୋ ଅଙ୍କଶାୟିନୀ ମୋର ପ୍ରାଣପ୍ରିୟା ସଦାଥିବ ଅଙ୍କେ ମୋର
ମୋ କୋଳେ ଝୁଲଣ ସଦା ସାଜିଥିବ ତୁମେ ପ୍ରାଣପ୍ରିୟା ମୋର
------------------------------
ବାପା ତ ବିଡିଓ ମାନ୍ୟଗଣ୍ୟ ବ୍ୟକ୍ତି
ତୁହି ତାଙ୍କ କୁଳାଙ୍ଗାର
ଏପରି ପୁଅକୁ ଜନମ ଦେଇକି
କେତେ ଟେନସନ୍ ତାଙ୍କର
ତୋ ଭଉଣୀ ଶିଖା ଏକଥାକୁ ଶୁଣି
ମୋ ପାଶେ ଲେଖିଲା ପତର
ସସ୍ମୀତା ତୁମେ ଯାହା କରିଅଛ
ମନକୁ ପାଇଛି ମୋହର
-------------------------------
ଆଜି ଦୟାକରି ଛାଡଦେଲି ତୋତେ
ଆଉ ଯଦି କେବେ ଆସିବୁ
ମୋ ଚଲା ପଥରେ କଣ୍ଟା ଯଦି
ହେବୁ ତେବେ ତା'ର ମଜ୍ଜା ପାଇବୁ
ପୋଲିସର ମାଡ ମୋ ପାଇଁ ଖାଇଛୁ
ମଜ୍ଜା ଲାଗିଥିବ କେତେ
ମଦୁଆ ମାତାଲ ଯେ ହେଲା ସଂସାରେ
କି କହିବ ତାକୁ ଏତେ
--------------------------------
ପଦାରେ ରହିଲେ ଠିକଣା ଦେବି ମୁଁ
ସେହି ଠିକଣାକୁ ନେଇ
ଚିଠିଦେବ ପ୍ରିୟା ସସ୍ମୀତା ସୁନ୍ଦରୀ
କେବେ ଭୁଲିଯିବ ନାହିଁ
ଜୀବନରୁ ତୋତେ ମାରିଦେଇନାହିଁ
ଦେଇଛି ଯେ ଯନ୍ତରଣା
ଯେତେ ଭେଗାଙ୍କୁ ତୁ ଆଣିଥିଲୁ ସାଥେ
ସବୁହେଲେ ବାଟ ବଣା
--------------------------------
ଆଇନା ଯେପରି ମିଛ କହେନାହିଁ
ଆଖିକି ଦେଖିବ ଭିନ୍ନ
ମନଦେଇ ଯାକୁ ଭଲ ପାଇଥିବୁ
ସେହି ହେବ ଜୀବଧନ
ଅର୍ଥର ପିପାସୁ ଅଟନ୍ତି ମୋ ବାପା
ଲୋଭରୁ ଯେ ପାପ ଜାତ
ଅତି ପାପ ହେଲେ ମ୍ୄତ୍ୟୁ ହୋଇଯାଏ
ଏକଥା ନିଶ୍ଚୟ ସତ
-------------------------------
No comments:
Post a Comment